Raise our Conscience against the Killing of RTI Activists




Sunday, April 3, 2011

വികസനത്തിന്‍റെ പൌരന്മാര്‍


അടുത്ത കാലത്ത് ഒരു ന്യൂസ്‌ ചാനലില്‍ മൂലമ്പിള്ളിയിലെ കുടിയിറക്കപ്പെട്ടവരുടെ ഇന്നത്തെ അവസ്ഥയെ പറ്റി ഒരു പരിപാടി സംപ്രേഷണം ചെയ്തിരുന്നു. രണ്ടു മൂന്നു വര്‍ഷം മുമ്പ് എല്ലാവരുടെയും ശ്രദ്ധാകേന്ദ്രമായിരുന്ന, എന്നാല്‍ ഇന്ന് എല്ലാവരും മറന്ന ഉദ്ദേശം 30ഓളം കുടുംബങ്ങള്‍. അതിലെ സ്ത്രീകളും, കുട്ടികളുമടക്കമുള്ള അംഗങ്ങളും. കേരളത്തിലെ സ്വപ്ന പദ്ധതിയായിരുന്ന വല്ലാര്‍പാടത്തിനു വേണ്ടി കുടിയിറക്കപെട്ടവര്‍. ഇന്നിപ്പോള്‍ പദ്ധതി പൂര്‍ത്തിയായി പ്രവര്‍ത്തനം ആരംഭിച്ചിരിക്കുന്നു. എന്നാല്‍, നാലഞ്ചു വര്‍ഷം മുമ്പ് കുടിയിറക്കപെട്ട അവര്‍ ഇന്നും നഗര പിന്നാമ്പുറങ്ങളിലെ ടെന്റുകളില്‍ അന്തിയുറങ്ങുന്നു.

ഇവര്‍ വിട്ടുകൊടുത്തത് ഒരിടത്ത് നിന്നും കയ്യേറിയ ഭൂമിയായിരുന്നില്ല. മറിച്ചു ഇവര്‍ അധ്വാനിച്ചും, തലമുറകള്‍ കൈമാറിയും കൈവന്ന വീടുകളാണ് ഒരു സുപ്രഭാതത്തില്‍ ബുള്‍ഡോസറുകള്‍ ഇടിച്ചു പൊളിച്ചത്. വെറും നാമ മാത്രമായ ചെറുത്ത് നില്‍പ് പോലീസ് നടപടിയില്‍ കലാശിക്കുകയും ചെയ്തു. വീടും കുടിയും നഷ്ടപ്പെട്ട ഇവര്‍ അതിനു ശേഷം അനേക നാളുകള്‍ ചെയ്ത
സമരഫലമായാണ് മൂലമ്പള്ളി പാക്കേജ് എന്ന ഒരു സ്വപ്ന പാക്കേജ് സര്‍ക്കാര്‍ പ്രഖ്യാപിച്ചത്. എന്നാല്‍ വര്‍ഷങ്ങള്‍ പിന്നിടുമ്പോഴും അവര്‍ തങ്ങള്‍ക്കു തല ചായ്ക്കാന്‍ ഒരിടത്തിനായി സര്‍ക്കാര്‍ ആഫീസുകള്‍ കയറിയിറങ്ങുന്നു. ഇത്രയും വര്‍ഷം തെരുവുകളില്‍ കിടക്കാന്‍ എന്ത് തെറ്റാണ് അവര്‍ ചെയ്തത്? വല്ലാര്‍പാടത്തിനടുത്ത് സ്ഥലം ഉണ്ടായി പോയതോ?

കേരളത്തിന്‌ വളരെ ആവശ്യമുള്ള ഒരു പദ്ധതിയാണ് വല്ലാര്‍പാടം. അത് തീര്‍ച്ചയായും നടപ്പാക്കേണ്ട ഒന്ന് തന്നെ. അങ്ങനെയുള്ള ഒരു പദ്ധതിക്കായി സ്ഥലം കൊടുക്കുന്നവര്‍ക്ക്, മാന്യമായ ഒരു പുനരിധവാസം സര്‍ക്കാര്‍ ഉറപ്പാക്കെണ്ടതല്ലേ? സമൂഹത്തിന്‍റെ ഉയര്‍ച്ചയ്ക്കായാണ് ഇക്കൂട്ടര്‍ തങ്ങളുടെ ജീവിതങ്ങള്‍ നല്‍കിയത്. അപ്പോള്‍ അവരുടെ മാന്യമായ ജീവിതങ്ങള്‍ സമൂഹത്തിന്‍റെ കൂടി ഉത്തരവാദിത്വമല്ലേ? ഞങ്ങളുടെ അടുത്ത് തൊടുപുഴ മൂവാറ്റുപുഴ റോഡിനു സ്ഥലം ഏറ്റെടുത്തത് ഞാന്‍ ഓര്‍ക്കുന്നു. വിപണി വിലയിലും കൂടുതല്‍ കൊടുത്തു അന്ന് സര്‍ക്കാര്‍ സ്ഥലം ഏറ്റെടുത്തപ്പോള്‍, ആളുകള്‍ സ്ഥലം വിട്ടു നല്‍കാന്‍ സന്നദ്ധരായി സ്വയം മുന്നോട്ടു വന്നു. ഇന്നത്‌ മനോഹരമായ ഒരു റോഡാണ്.

ഇവര്‍ കോടതിയില്‍ പോയാല്‍ നീതി ലഭിക്കുമായിരിക്കും. എന്നാലും ഒന്നോര്‍ക്കുക, കോടതികള്‍ക്ക് ഉത്തരവിടാന്‍ മാത്രമേ കഴിയൂ. അത് നടപ്പാക്കേണ്ടത് സര്‍ക്കാരുകള്‍ എന്ന് നമ്മള്‍ വിളിക്കുന്ന ഗവണ്‍മെന്റിലെ എക്സിക്യൂട്ടീവ് തന്നെയാണ്. കേരളത്തില്‍ ഒരു നേതാവും ഇക്കൂട്ടര്‍ക്ക് വേണ്ടി അടുത്തകാലത്തെങ്ങും സംസാരിക്കുന്നതും കേട്ടിട്ടില്ല. ന്യൂക്ലിയര്‍ സംസ്കാരത്തില്‍ നമ്മള്‍ അമരുമ്പോള്‍, അയല്‍ക്കാരന്‍റെ കൂര കത്തുമ്പോള്‍ എന്തിനു വെറുതെ വെള്ളം ഒഴിക്കണം?

എല്ലാ വികസനത്തിനു പിന്നിലും അമരുന്നവര്‍ക്ക്, മാന്യമായ ജീവിതം ഉറപ്പുവരുത്തണം. രാജ്യം സാമ്പത്തികമായി കുതിക്കുമ്പോള്‍, എല്ലാവരെയും ഉള്‍ക്കൊണ്ടുള്ള വളര്‍ച്ച സാധ്യമാകാത്തത് വളരെ ഗൌരവമേറിയ ഒരു സാഹചര്യം തന്നെയാണെന്ന് പ്രധാന മന്ത്രി ഈ കഴിഞ്ഞ ദിവസങ്ങളില്‍ ഞങ്ങളുടെ സ്ഥാപനത്തില്‍ നടത്തിയ ഒരു പ്രസംഗത്തില്‍ വ്യക്തമാക്കുകയുണ്ടായി. ഇത്തരം സാഹചര്യങ്ങളാണ് നമ്മുടെ രാജ്യത്തെ മാവോയിസ്ടുകളുടെയും അത് പോലുള്ള വിഘടനവാദികളുടെയും കയ്യില്‍ കൊണ്ടെത്തിക്കുന്നതെന്നും അദ്ദേഹം അഭിപ്രായപ്പെട്ടു. നമ്മുടെ ബഹു ഭൂരിപക്ഷം ആളുകള്‍ക്കും, തങ്ങളുടെ അവകാശങ്ങളെ പറ്റി വ്യക്തമായ ബോധ്യം ഉണ്ടാകാനുള്ള വിദ്യാഭ്യാസ പുരോഗതി ഇല്ലാത്തതും കാര്യങ്ങള്‍ വഷളാക്കുന്നു.

വല്ലാര്‍പാടത്ത് കപ്പലുകള്‍ എത്തി തുടങ്ങിയിരിക്കുന്നു. എന്നാല്‍ മൂലമ്പള്ളിക്കാര്‍ ഇപ്പോഴും കരയ്ക്ക് എത്തിയിട്ടില്ല. അവര്‍ക്കും മറ്റേതൊരു ഭാരതീയ പൌരനും ഉള്ളത് പോലുള്ള അവകാശങ്ങള്‍ ഉണ്ട് എന്ന് ഞാന്‍ വിശ്വസിക്കുന്നു. സമൂഹത്തിന്‍റെ ഒരു വശം പ്രകാശിക്കുമ്പോള്‍ മറ്റൊരു വശം കൂടുതല്‍ ഇരുളിലേക്ക് പോകുന്നു. ഈ ജീവിതങ്ങള്‍ ഇരുളിലേക്ക് പോകാതെ സൂക്ഷിക്കാനുള്ള കടമ നമ്മുടെ സമൂഹത്തിനുണ്ട്. ഒരു കാര്യം മാത്രം ഓര്‍ക്കുക, എന്ന് വേണമെങ്കിലും നമ്മുടെ വീടുകളും വികസനത്തിന്‌ പറ്റിയ സ്ഥലമായി സമൂഹം മുദ്ര കുത്താം. വീടുകള്‍ നഷ്ടപ്പെട്ടു തെരുവിലേക്ക് യാത്രയാകുമ്പോള്‍, അയല്‍ക്കാര്‍ അവരുടെ വീടിന്‍റെ തിണ്ണയിലിരുന്നു നമ്മോടും ചോദിക്കും, "നാടിന്‍റെ വികസനത്തിന്‌ നിങ്ങള്‍ക്കൊക്കെ കുറച്ചു നഷ്ടം സഹിച്ചാല്‍ എന്താ?"

4 comments:

  1. ശക്തമായ വാക്കുകള്‍ ഡാനി ....നമ്മള്‍ ആലോചിക്കേണ്ട വിഷയം തന്നെ ..

    , "നാടിന്‍റെ വികസനത്തിന്‌ നിങ്ങള്‍ക്കൊക്കെ കുറച്ചു നഷ്ടം സഹിച്ചാല്‍ എന്താ?"..ഈ ചോദ്യം സ്വന്തം കാര്യം വരുമ്പോള്‍ മാത്രമേ മനസ്സിലാവൂ ....

    നമ്മുടെ സര്‍ക്കാരുകള്‍ എന്നാണ് ഒന്ന് കണ്ണ് തുറക്കുക ..??

    ReplyDelete
  2. Danish chettan oru sambhavamanu, prasthaanamanu, prathibhasamanu, ithihaasamanu... Ini ithonnum alle! Hi hi. Post vaayichu tto. Nice. Ishtaayi. Rashtreeya post kalil kingini angane abhiprayam parayilla.. Karanam kingini oru kuttiyanu. Kinginikkutti:) hi hi

    ReplyDelete
  3. ഡാ .. നിനക്ക് കാര്യമായ ജനിതകമാറ്റം സംഭവിചിട്ടുണ്ടല്ലോ... അഭിപ്രായങ്ങള്‍ കുറെ മാറിയല്ലോ .... വെറുതെ നമ്മള്‍ കോളേജില്‍ കുറെ .... :) :)

    ReplyDelete
  4. Nammuday vikasana sankalpam allay adyam marandathu... sadharanakkaruday jeevitha vyavastha thakidam marichu kondu samuhathilay nyunapakshamaaya muthalimaarkku rajya sambathu theerazhuthikkodukkunna oru vyavastha anginay aanu janathipathya vyavastha aaakunnathu.... vikasanavaum athilooday undavunna laabhangal nyoona pakshathinu mathram labhikkunnath sthithiya anginay vikasanam annu parayaan pattum...

    ReplyDelete